लकडाउनको बेला काठमाडौँ कै होटेलहरु बाहिर ताल्चा लगाएर भित्र तुम्बा खुवाउदै, छड्के गर्दा जे देखियो (भिडियो)

काठमाडौँ, १ जेठ । कोरोना भाइरस कोभिड-१९ को माहामारी रोकथामका निमित्त यति बेला पुरा देश लकडाउनको अवस्थामा छ । कोरोना संक्रमण बढेसंगै कति जिल्ला त सिल नै भैसकेका छन ।

तराईमा धेरै संक्रमित फेला परेका छन् भने काठमाडौँ र भक्तपुरमा पनि संक्रमित फेला परिसकेका छन । संक्रमण बढेसंगै सरकारले लकडाउनलाई थप कडाई गर्दै आएको बेला काठमाडौँ तारकेश्वरस्थित केहि स्थानीय होटेल भने बाहिर ताल्चा लगाएर भित्र सुचारु रहेको फेला परेको छ । तारकेश्वोर- १० मा वडाध्यक्ष सहित छड्के गर्दा केहि होटेलहरुले लकडाउन उल्लङ्घन गर्दै बाहिरको मानिसलाई खाजा मात्र हैन तुम्बा समेत पिउन दिरहेको भेटिएको छ ।

हेर्नुहोस भिडियो ।

०००

यो पनि

एक काठमाडौँका सहित फेरी थप ३ जना नया कोरोना संक्रमित भेटीए

काठमाडौँ, १ जेठ । थप कोरोना भाइरस कोभिड-१९ का तिन संक्रमित भेटिएका छन । स्वास्थ्य तथा जनसंख्या मन्त्रालयका अनुसार राष्ट्रिय जनस्वास्थ्य प्रयोगशाला, काठमाडौँमा गरिएको परिक्षणमा तिन जनामा कोरोना पुष्टि भएको हो ।

संक्रमित मध्य एक जना काठमाडौँको दहचोक निवासी ७ वर्षीय बालक पनि रहेका छन् । त्यस्तै जनकपुर धनुषा निवासी १७ वर्षीय महिला र धादिङ्ग निवासी ३० वर्षीय महिला रहेका छन । संक्रमितहरुको स्वास्थ्य अवस्था सामान्य रहेको र सबैजना स्वास्थ्यकर्मीको सम्पर्कमा रहेको मन्त्रालयले जनाएको छ ।

यो संगै नेपालमा जम्मा संक्रमितको संख्या २४९ जना पुगेको छ ।

०००

विना स्वीकृत जिनेटिक अनुसन्धान गरेको भन्दै स्पष्टिकरण माग

नेपाल स्वास्थ्य व्यवसायी परिषद्ले नेपालका कोभिड–१९ ले सङ्क्रमित एक युवाको अनुवांशिक (जिनेटिक) को परिषद्को स्वीकृति वेगर विदेशीसँग मिलेर अनुसन्धान गरेको भन्दै छ जना चिकित्सकलाई स्पष्टिकरण सोधेको छ ।

परिषद्का प्रशासन शाखा प्रमुख युवराज खरेलले पत्र लेख्दै राष्ट्रिय जनस्वास्थ्य प्रयोगशालाका डा रञ्जित शाह र प्रयोगशालकै डा रुना झा, शुक्रराज ट्रपिकल तथा सरुवा रोग अस्पतालका डा अनुप बाँस्तोला, इपिडिमियोलोजी तथा सरुवा रोग नियन्त्रण महाशाखाका निर्देशक डा वासुदेव पाण्डे, महाशाखाकै डा विवेककुमार लाल र महाशाखाकै डा हेमन्तचन्द्र ओझालाई स्पष्टिकरण सोध्नुभएको हो ।

ती छ जनाले परिषद्लाई नै थाहै नदिई सङ्क्रमित युवाको स्वाब सङ्कलन गरी अनुसन्धानका लागि विदेशीलाई दिएका थिए । परिषद्ले उनीहरुले नेपालका कोभिड–१९ सङ्क्रमित एक युवाको जिनेटिकको अनुसन्धानमा विदेशीलाई संलग्न गराइ ‘माइक्रोवायोलोजी रिसोर्स अनाउन्समेन्ट’मा प्रकाशन गरेको अनुसन्धानमूलक लेखमा परिषद्को स्वीकृत नलिई प्रकाशन गरेको भन्दै परिषद् ऐन २०४७ को दफा १२ (३) बमोजिम स्पष्टिकरण सोधिएको परिषद्का प्रशासन प्रमुख खरेलले जानकारी दिनुभयो ।

परिषद्ले लेख प्रकाशित भएपछि गत वैशाख २६ गते स्पष्टिकरण सोध्ने निर्णय गर्दै उनीहरुलाई स्पष्टिकरणका लागि वैशाख २९ गते पत्र पठाएको थियो । “नेपाल स्वास्थ्य अनुसन्धान परिषद् ऐन, २०४७ को दफा ११ बमोजिम कुनै पनि मानवस्वास्थ्यसँग सम्बन्धित अनुसन्धान कार्य गर्दा परिषद्को पूर्वस्वीकृति लिनुपर्नेमा स्वीकृति नलिइकन अनुसन्धान कार्य सम्पन्न गरी वैज्ञानिक लेख प्रकाशन गरेको हुँदा तपाईहरुले परिषद्बाट स्वीकृत नलिई उक्त अनुसन्धानमूलक लेख प्रकाशन गरेवापत तपाईहरुलाई किन कारवाही नगर्ने?” स्पष्टिकरणमा भनिएको, “कारवाही गर्न नपर्ने कुनै मनासिब कारण भए सोको स्पष्ट लिखित जवाफ प्रमाणसहित यो पत्र प्राप्त भएको मितिले सात दिनभित्र परिषद्मा पेश गर्न नेपाल स्वास्थ्य अनुसन्धान परिषद् ऐन, २०४७ को दफा १२ (३) बमोजिम परिषद्को मिति २०७७ साल वैशाख २६ गतेको निर्णय भएको हुँदा निर्देशानुसार जानकारीका लागि अनुरोध छ ।”