हलिउडका ब्राड पिट र टम क्रुसलाई पछि पार्दै ऋतिक बने संसारको सबैभन्दा ‘ह्यान्डसम हिरो’!

काठमाडौं , २१ पुस । बलिउड सुपरस्टार ऋतिक रोशनले बलिउडका मात्र नभई हलिउडका सुपरस्टारहरुलाई समेत पछाडि छाडेका छन् ।

सबैलाई पछि पार्दै ऋतिक रोशन वर्ष २०१८ को संसारकै सबैभन्दा ’ह्यान्डसम हिरो’ घोषित भएका छन् ।

उनलाई दुनियाँको सबैभन्दा ह्यान्डसम र गुड लुकिङ सेलिब्रेटीको रुपमा चुनिएको छ । टाइम्सको एक खबरका अनुसार, हालैमा साल २०१८ को सबैभन्दा ह्यान्डसम हिरोको लिस्ट रिलिज गरिएको छ । यो लिस्टमा ऋतिकले हलिउडका ब्राड पिट र टम क्रुसलाई पछाडि छाड्दै पहिलो स्थान पाएका छन् ।

ऋतिक मात्र होइन साल २०१८ को सबैभन्दा ‘ह्यान्डसम हिरो’ को लिस्टमा बलिउडको एक नाम सामेल भएको छ । बलिउडका ’दबंग’ सलमान खान टप १० को सातौं स्थानमा छन् । यसअघि सन् २००४ मा यूएसएको पीपुल म्यागजीनले सलमानलाई दुनियाँको सातौं सबैभन्दा ह्यान्डसम पुरुष घोषित गरेको थियो ।

२०१८ का संसारका १० ह्यान्डसम हिरोको लिस्टमा क्रमशः ऋतिक रोशन, ब्राड पिट, गाडफ्रे जीए ओ, रोबर्ट प्याटिनसन, डेनजेल वासिङटन, उमर बोरकान टू द गाला, सलमान खान, नूह मिल्स, टम क्रूज र प्रिन्स विलियम छन् । पहिला पनि २०११ र २०१२ मा ऋतिकले एशियाको ५० सबैभन्दा सेक्सी पुरुषको लिस्टमा टप पोजिसन कब्जा गरेका थिए । -एजेन्सी