ते’जाब प्र’हारबाट घाइते भएकी युवतीलाई मन्त्री ढकालले भन्नुभयो, “ उपचारमा सरकारले सहयोग गर्छ”

स्वास्थ्य तथा जनसङ्ख्यामन्त्री भानुभक्त ढकालले ते’जाब प्र’हारबाट घाइते युवतीको स्वास्थ्यावस्थाका बारेमा जानकारी लिनुभएको छ ।
मन्त्री ढकालले आज कीर्तिपुर अस्पताल पुगी उपचाररत पी’डित युवतीलाई भेटेर उनको उपचारमा सरकारले सक्दो सहयोग गर्ने बताउनुभयो । “तपाईँको उपचारमा सरकारका तर्फबाट सक्दो सहयोग हुन्छ”, पीडितसित कुरा गर्दै उहाँले भन्नुभयो,” “घटनामा संलग्नलाई हदैसम्मको कारवाही हुन्छ ।” सो अवसरमा मन्त्री ढकालले पीडितका आफन्त तथा चिकित्सकसित उपचारबारे जानकारी लिनुभएको थियो ।

उहाँसँगै सांसद यज्ञराज सुनुवार पनि पीडितलाई भेट्न अस्पताल पुग्नुभएको थियो । सो अवसरमा मन्त्री ढकालले कीर्तिपुर अस्पतालको अवस्थाबारे त्यहाँका पदाधिकारी तथा चिकित्सकसित जानकारी लिनुभएको थियो ।

स्थानीय सीतापाइलामा बस्दै आएकी ओखलढुङ्गाकी २२ वर्षीया युवतीलाई बिहीबार साँझ भारतको विहार घर भई डल्लु बस्दै आएका फैयाज आलमले ते’जाब प्र’हार गरेका थिए । फैयाजलाई उनीसँगै बस्दै आएका रौतहट लक्ष्मीपुर–४ का मोहम्मद आलमले युवतीमाथि ते’जाब छ्याप्न लगाएका थिए ।

स्वास्थ्य तथा जनसङ्ख्यामन्त्री भानुभक्त ढकाल र सांसद यज्ञराज सुनुवार कीर्तिपुर अस्पतालमा ए’सिड प्र’हारबाट घाइते भई उपचाररत ओखलढुङ्गा जिल्ला घर भई हाल काठमाडौँ सीतापाइलामा बस्दै आएकी २२ वर्षीया युवतीको स्वास्थ्य अवस्था बुुझ्नेक्रममा अस्पतालका डाक्टरहरुको टोलीसँग छलफल गर्दै । तस्वीर ः रत्न श्रेष्ठ÷ रासस

दुवै अ’भियुक्तलाई प्रहरीले बिहीबार राति नै डल्लुबाट पक्राउ गरेको थियो । प्रहरी कल डिटेल र सिसी क्यामराको सहायताले उनीहरुलाई पक्राउ गर्न सफल भएको हो । मोहम्मद काठमाडौँको एक कपडा कारखानाका मालिक तथा फैयाज कामदार भएको खुलेको छ । पीडित युवती र उहाँकी दिदी पहिला मोहम्मदकै गार्मेन्टमा काम गर्नुहुन्थ्यो । पछि पीडित युवतीले उक्त कारखनामा काम गर्न छाड्नुभएको थियो ।

पीडित युवतीको उपचारमा संलग्न चिकित्सक डा सुरेन्द्र बस्नेतले उहाँको स्वास्थ्यमा क्रमिक रुपमा सुधार हुँदै गएको बताउनुभयो । “पहिलाभन्दा अहिले घाउ ठीक हुँदै गएको छ”, उहाँले भन्नुभयो । उपचारमा केही समय लाग्ने बस्नेतको भनाइ थियो । तेजाबा प्रहारबाट युवतीको अनुहारको दायाँपट्टिको भाग जलेको छ । रासस