मिस नेपाल २०१९ को काठमाडौँ अडिसनमा निर्णायक रचना गुरुङ शर्माद्वारा प्रतियोगीको अपमान, विश्वभर भिडियो भाईरल हुदै (भिडियो सहित)

काठमाण्डौ, २२ चैत्र । सुन्दरी प्रतियोगिता मिस नेपाल २०१९ को अडिसन सुरु भइसकेको छ । पहिलो अडिसन काठमाडौँमा भएको थियो जुन अडिसनको भिडियो पनि सार्बजनिक भइसकेको छ । अडिसनको भिडियो बाहिरीए संगै एक निर्णायक विवादमा तानिएकी छन । उनि हुन् वर्षौ अगाडी देखि मिस नेपालको कोच तथा निर्णायक मण्डलमा रहदै आएकी रचना गुरुङ ।

अडिसनमा एक युवती अगाडी आउछिन त्यस लगत्तै रचना गुरुङको कडा प्रश्नहरुको प्रहार हुन थाल्दछ । ति युवती बिना मेकअप र पावरवाला चस्मामा उपस्थित हुन्छिन । निर्णायक मध्यकी रचना गुरुङले किन मेकअप नगरेको भनेर सोध्छिन र ति युवतीको जवाफ आउछ – साच्ची भन्नु पर्दा मलाई मेकअप गर्न नै आउदैन तर म सिक्छु ।

त्यो सुनेर गुरुङले अझ रिसाउदै भन्छिन – २१ औ शताब्दीमा पनि मेकअप गर्न नआउने अनि मिस नेपालमा भाग लिन आउने ? तपाईलाई थाहा छ विश्व तपाईको हातमा छ । हामीहरु कम्तिमा पनि तपाईले मेकअप लगाएर यहा आएको आशा गर्दछौ । मेकअप नगरि यहाँ आउनु भनेको हाम्रो अपमान गर्नु हो ।’

ति निर्णायक यतिमै रोकिदैनन, उनले लगत्तै चस्माको पावर कति हो भनेर सोध्छिन । युवतीले माइनस पाच भन्छिन । अनि निर्णायकको प्रश्न आइ हाल्छ, कन्ट्याक लेन्स लगाउनु हुन्छ ? किन आज लगाउनु भएन ? त्यसपछि युवतीले भन्छिन – म बाइकमा आएको हुदा प्रदुषणले गर्दा केहि हुन्छ कि भनेर नलगाएको ।

यी सम्बादहरु हुदा निर्णायक निक्कै आक्रोशित मुद्रामा जस्तो देखिन्थिन । अहिले अडिसनको उक्त क्लिप सामाजिक संजालमा भाइरल भइरहेको छ । निर्णायक रचना गुरुङ प्रति धेरैको असन्तुष्टि भएको देखिन्छ ।

हेर्नुहोस उक्त अडिसनको भिडियो :

पुरा अडिसनको भिडियो तल हेर्नुहोस :