मास्क लगाएको एक समुहले मकवानपुरमा गुडिरहेको ट्रकबाट चालक र सहचालकलाई ओराली पेट्रोल छर्केर आगजनी !

मकवानपुर, ३० फागुन । मकवानपुरमा गएराति एक ट्रकमाथि आगजनी गरिएको छ ।

जिल्लाको थाहा नगरपालिका–४, नयाँगाउँमा ट्रकमाथि आगजनी राति १२ बजे आगजनी गरिएको हो ।

अज्ञात समूहले काठमाडौंबाट हेटौंडातर्फ जाँदै गरेको ना ५ ख ७४११ नम्बरको हेभी इक्वीपमेन्ट बोक्ने ट्रेलर गाडी आगजनी गरेको इलाका प्रहरी कार्यालय पालुङले जनाएको छ ।

मास्क लगाएको एक समूहले गुडिरहेको गाडी रोकेर चालक तथा सहचालकलाई बसबाट ओराली पेट्रोल छर्केर आगजनी गरेको ट्रकका चालकले बताए ।

ट्रकमा आगलागी भएपछि थाहा नगरपालिकाको दमकलले नियन्त्रण गरेको थियो । आगलागीबाट ट्रकको अगाडिको भाग पूरै जलेको छ ।

घटनामा विप्लव समूहको संलग्नता हुनसक्ने अनुमान गरिएको छ । तर अहिलेसम्म कसैले पनि जिम्मेवारी लिएको छ ।