प्रजातन्त्र दिवसका अवसरमा सरकारी कार्यालय सरसफाइ


चितवन, ६ फागुन । प्रजातन्त्र दिवसका अवसरमा आज जिल्लाका सरकारी कार्यालय परिसरमा सरसफाइ गरिएको छ । प्रजातन्त्र दिवस मनाउन सरकारीस्तरबाट गठीत समितिका अध्यक्ष एवं जिल्ला समन्वय समिति प्रमुख कृष्णकुमार डल्लाकोटीका अनुसार सबै सरकारी कार्यालयमा प्रमुखसहितका कर्मचारीले सरसफाइ गरेका हुन् ।

६९ औँ राष्ट्रिय प्रजातन्त्र दिवसको अवसरमा दैलेखमा सोमबार आयोजित नगर सरसफाई कार्यक्रममा सरसफाइ गर्दै जनप्रतिनीधि, कर्मचारी, सुरक्षाकर्मीलगायत । तस्वीर ः हिक्मतबहादुर नेपाली, दैलेख, रासस

उहाँले सरकारी कार्यालय परिसरमा फोहर बढेको गुनासो आएकाले आफ्नो कार्यालयको सरसफाइ गर्नुपर्छ भन्ने सन्देश दिनका लागि पनि यस अवसरमा कार्यालय सफा गरिएको बताउनुभयो ।

प्रमुख जिल्लाअधिकारी जीतेन्द्र बस्नेतले आज जिल्लाका सबै सरकारी कार्यालय सफा गरिएको बताउनुभयो । उहाँका अनुसार जिल्लामा संस्थानसहित १०८ सरकारी कार्यालय छन् । आइतबार सम्पन्न कार्यालय प्रमुखहरूको बैठकमा आज सबै कार्यालयमा सरसफाइ गर्न निर्देशन दिइएको थियो । प्रजातन्त्र दिवसकै अवसरमा मङ्गलबार बिहान प्रभातफेरी र रक्तदानको कार्यक्रम पनि गरिँदै छ । रासस

प्रतिक्रिया दिनुहोस
Advertisement