विद्युत् खरीद सम्झौता

काठमाडौँ, ३ फागुन । नेपाल विद्युत् प्राधिकरण र जल ऊर्जा प्रालिबीच विद्युत् खरीद–बिक्री सम्झौतामा हस्ताक्षर भएको छ ।

प्राधिकरणमा आज आयोजित कार्यक्रममा प्राधिकरणका तर्फबाट योजना, अनुगमन तथा सुपरिवेक्षण निर्देशनालयका उपकार्यकारी निर्देशक जगदीश्वरमान सिंह र प्रवद्र्वकका तर्फबाट प्रमुख कार्यकारी निर्देशक अभयराज जोशीले उक्त सम्झौतामा हस्ताक्षर गर्नुभएको हो ।

दार्चुलाको मार्मा गाउँपालिकास्थित नौगढगाड खोलामा आयोजनास्थल रहेको सो आयोजनाको क्षमता एक मेगावाट रहेको छ । सम्झौताअनुसार आयोजनाको निर्माण आगामी ३ वर्षभित्र सम्पन्न गरिनेछ । आयोजनाको लागत रु २० करोड छ । आयोजनामा लगानी प्रवद्र्वक, बैंक तथा वित्तीय संस्था र स्थानीयको रहनेछ । आयोजनाबाट उत्पादित विद्युत् प्राधिकरणको बलाच सबस्टेशनमा जोडिनेछ । रासस