कृष्ण ओलीले पाए अहिले सम्मकै एक मुष्ट ठुलो सहयोग रकम, हात खुट्टा जोडिने भयो अब (विज्ञप्तिसहित)

काठमाडौँ, ९ माघ । करेन्ट लागेर दुवै हात र एक खुट्टा गुमाएका कृष्ण ओलीले अहिले सम्मकै एकमुष्ट ठुलो रकम पाएका छन । हङकङवासी नेपालीहरुले उठाएको २५ लाख रुपैयाँ आज बुधबार हस्तान्तरण गरिएको छ।

ओलीको सहयोगार्थ चलाइएको १२ दिने अभियानबाट उक्त रकम उठेको हो । अभियानका संयोजक काजी गुरुङ र सिङ्गपुर पुलिसका रिटायर्ड चिफ ईन्स्पेक्टर धीरज गुरुङको हातबाट आज कृष्ण ओली र रुपालाई रकम हस्तान्तरण गरिएको छ ।

सहयोग रकम हस्तान्तरण गर्नेबेला दाताले यस्तो विज्ञप्ति पनि सार्बजनिक गरेको छ :

”कृष्ण ओलीलाई हङकङबाट संकलित नेरु २५ लाख हस्तान्तरण !

आज २३ जनवरी २०१९, बुधवारका दिन विधुतीय हाइटेन्सन तारमा करेन्ट लागेर २ हात, १ खुट्टा र अर्को खुट्टा पनि धेरै मात्रामा काम नलाग्ने भएका रुकुमका कृष्ण ओलीलाई तात्तातो खबर अन लाईन मिडिया (भाग्य न्यौपाने ) र सिङ्गपुर पुलिस फोर्सका रिटायर्ड चिफ ईन्स्पेक्टर धीरज गुरुङको रोहबरमा भरखरै मात्र हङकङबाट संकलित रकम नेरु २५ लाख हस्तान्तरण गरेका छन। हङकङबासी सम्पूर्ण सहयोगी मनहरुलाई बिशेष धन्यवाद दिन चाहन्छु। यसैगरि हङकङ लगायत बिभिन्न देशहरुबाट मेरो अभियानमा जोडिनु भएका सहयोगी मनहरुलाई पनि धन्यवाद दिन चाहन्छु।

बिशेष गरेर मेरो यो अभियानको हरेक पल पलमा मलाई साथ सहयोग तथा हौसला र प्रोत्साहन दिनु हुने मेरो आदर्णिय दाई चेत बहादुर गुरुङलाई बिशेष धन्यवाद दिन चाहन्छु। यसैगरि हौसला र प्रोत्साहन दिनु हुने मेरो जेठान मन बहादुर गुरुङलाई पनि धन्यवाद दिन चाहन्छु।

आजभन्दा ५ बर्ष अगाडि स्थापित SUKUTI GROUP HONG KONG लाई पनि बिशेष धन्यवाद दिन चाहन्छु। जसले मेरो अभियानको कदर गर्दै बिश्वासको साथमा मेरै अभियान मार्फत नेरु ५० हजार हस्तान्तरण गर्नु भएको थियो र ब्यक्तिगत रुपमा नेपाली ३० हजार सहयोग गर्ने मेरो भाई मोहन (टिला) गुरुङलाई पनि साथ सहयोगको लागि धन्यवाद दिन चाहन्छु र अभियानको दौरानमा सहयोग संकलन गर्न सहयोग गर्नु हुने धेरै भन्दा धेरै सहयोगीहरुलाई पनि धन्यवाद भन्न चाहन्छु।

समग्रमा, यो अभियानमा साथ, सहयोग, समर्थन र बिश्वास गर्दै अभियानलाई सफल बनाई दिनु भएकोमा सम्पूर्ण हङकङबासी सहयोगी मनहरुलाई नमन ब्यक्त गर्न चाहन्छु। पक्कै पनि तपाईहरुको साथ, सहयोग बिना यतिका धेरै रकम संकलन हुने नै थिएन। जे होस हाम्रो हङकङबासीहरुको यो रकमले कृष्ण ओलीलाई कृत्रिम हात खुट्टा राख्नको लागि ठुलो मद्दत मिल्नेछ। अन्तमा, पुन: एक पटक हङकङबासी लगायत अभियानमा जोडिनु हुने सम्पूर्ण सहयोगी मनहरुलाई हार्दिक नमन !

काजी गुरुङ”