‘औपचारिक कार्यक्रममा सुधार गरौँ’ : मुख्यमन्त्री पौडेल

हेटौँडा, २९ पुस | प्रदेश नं ३ का मुख्यमन्त्री डोरमणि पौडेलले औपचारिक कार्यक्रम झन्झटिलो र भद्दा गरेर समयको बबार्दी नगर्न अुनुरोध गर्नुभएको छ ।

एउटै विषयमा दशाँै जनाले घण्टौँसम्म एउटै कुरा भनिरहने अनि उपस्थितले ताली पिटिरहने काम समयको बर्बादी मात्रै भएकाले त्यसलाई सच्याउनुपर्ने उहाँको भनाइ थियो । मुख्यमन्त्री पौडेलले कार्यक्रममा सम्बन्धित वक्ताले आवश्यक कुरा मात्र राख्ने र सम्बोधनको परम्परागत तरिकालाई पनि सच्याउनुपर्ने बताउनुभयो ।

हेटाँैडाको एक कार्यक्रमलाई सम्बोधन गर्ने क्रममा उहाँले समयको महत्व बुझिदिन अनुरोध गर्नुभयो । उहाँले औपचारिक कार्यक्रममा विदेशी वस्तुहरूको प्रयोग गरेर देशको लाखौँ करोडाँै नेपाली मुद्रा बाहिर पठाइनु देशको हितविपरित भएको पनि बताउनुभयो ।

“हामी कार्यक्रममा पाहुनालाई स्वागत गर्न विदेशबाट फूल, खादा र माला मगाएर प्रयोग गरिरहेका छौँ । यसले हामीलाई र हाम्रो देशलाई राम्रो गर्दैन, हामीलाई झन गरीब बनाउँछ”, उहाँले भन्नुभयो, “परनिर्भरता त्याग्न र आत्मनिर्भर हुन पनि म सबैलाई अनुरोध गर्दछु ।” रासस